Gidungog pag-usab sa atong Konseho sa dakbayan sa Tagbilaran ang mga yangungo sa atong mga tricycle drivers ug operators nga naninguha ug makakuhag MTOP sa ilang mga tricycle nga naangkon nila pina-agi sa pag-sunod, pagbaligya, donasyon ug sa lain pang legal nga pamaagi. Ang maong hangyo gipadayag sa mga presidente sa TODA pinaagi sa paghatod ug suwat ngadto kang Bise-Mayor Toto Veloso. Si Bise-Mayor Toto Veloso nakasabot nga tungod sa mga balaudnon nga gipasa sa siyudad para mapugngan ang pagkuyanap sa sakit nga COVID-19, wala pa nakabawi ang ekonomiya sa dakbyan sa Tagbilaran nga naapektohan ug pag-ayo ang panginabuhian sa atong mga tricycle drivers ug operators. Tungod niini, nipasa ug usa ka resolusyon ang mga miyembro sa konseho atol sa ilang regular session nga maglugway pag-usab ang relief hangtod December 2021, para dugang tabang sa atong mga tricycle drivers ug operators.